Bakıda Azərbaycan HR İnstitutu və Azərbaycan HR Cəmiyyətinin birgə təşkilatçılığı ilə keçirilən “CHRO Breakfast” tədbiri ölkənin aparıcı şirkətlərinin HR rəhbərlərini və top menecerlərini vahid platformada bir araya gətirdi.
Tədbirin əsas məqsədi HR sahəsində aktual tendensiyaların müzakirəsi, peşəkar təcrübə mübadiləsinin təşviqi və yeni əməkdaşlıq imkanlarının yaradılması olub. Səmimi və interaktiv formatda keçirilən görüş iştirakçılar arasında faydalı müzakirələr və yeni biznes əlaqələrinin formalaşmasına şərait yaradıb.
Tədbirdə Neosis Consulting şirkətinin təsisçisi və direktoru Gülnur Göksel “Psixometrik qiymətləndirmə və süni intellekt əsaslı HR həlləri” mövzusunda təqdimatla çıxış edərək müasir HR idarəçiliyində innovativ yanaşmalar və texnologiyaların tətbiqi ilə bağlı dəyərli fikirlərini bölüşüb.
Bundan əlavə, Cengiz Tınmaz interaktiv təqdimatı və yüksək enerjisi ilə iştirakçıların aktiv müzakirələrə cəlb olunmasına, tədbirin daha dinamik və məhsuldar keçməsinə töhfə verib.
Təşkilatçılar bildiriblər ki, CHRO Breakfast kimi platformalar HR liderləri arasında bilik və təcrübə mübadiləsini gücləndirməklə yanaşı, strateji əməkdaşlıqların inkişafına da mühüm töhfə verir.
Azərbaycan HR İnstitutu ölkədə və regionda HR peşəsinin inkişafı, beynəlxalq təcrübənin paylaşılması və peşəkar əməkdaşlıq platformalarının yaradılması istiqamətində fəaliyyətini davam etdirir.
Bu istiqamətdə növbəti təşəbbüs olaraq 4–5 iyul tarixlərində HR mütəxəssislərinin Qax–Zaqatala bölgəsinə ilk işgüzar səfəri təşkil olunacaq.
📣Qax-Zaqatala işgüzar səfərinə qoşulmaq üçün aşağıdakı link vasitəsilə qeydiyyatdan keçə bilərsiniz:
🔗https://forms.gle/nuY2drCX7R8QHx736
📣 Ətraflı məlumat üçün:
📞 +994 51 588 31 99
📩 info@hrinstitute.az
🌐 www.hrinstitute.az
Screenshot
Screenshot
Screenshot
Screenshot
