Azərbaycan HR Institute və Azerbaijan HR Community-nin birgə təşkilatçılığı, European Association for People Management (EAPM) dəstəyi ilə Azərbaycanda ilk dəfə “International HR Day Event” tədbiri keçiriləcək.
20 may 2026-cı il tarixində JW Marriott Absheron Baku hotelində baş tutacaq tədbir insan resursları sahəsində fəaliyyət göstərən peşəkarları, rəhbərləri və sektor nümayəndələrini bir araya gətirəcək. “Empower People to Lead Change” şüarı ilə keçiriləcək tədbirdə insan kapitalının inkişafı, dəyişikliklərin idarə olunması və müasir HR yanaşmaları ətrafında müzakirələr aparılacaq.
Tədbir çərçivəsində iştirakçılar beynəlxalq HR gündəminə dair aktual mövzularla tanış olmaq, peşəkar şəbəkələrini genişləndirmək və yeni əməkdaşlıq imkanlarını dəyərləndirmək imkanı əldə edəcəklər.
Qeyd edək ki, tədbir 14:00–18:00 saatlarında keçiriləcək. Azerbaijan HR Community üzvləri üçün iştirak ödənişsizdir.
Müraciət üçün buradan qeydiyyatdan keçə bilərsiniz.
